Paghubog sa mga Iskolar bilang Susunod na Lider ng Bayan, Matagumpay na Naisagawa

Bilang panimula sa makabuluhang taon ng 2026, matagumpay na naisakatuparan ang serye ng Gabay Kabataan Orientation sa iba’t ibang barangay sa buong bayan ng Angat. Ang nasabing programa ay isinagawa katuwang ang JOWABLE YOUTH Organization, na naglalayong tipunin ang mga kabataang iskolar at benepisyaryo ng educational assistance noong nakaraang Disyembre 2025.

Sa ilalim ng temang “Sustaining Educational Assistance through Values Formation and Leadership Training,” binigyang-diin sa bawat sesyon na ang tulong-pinansyal ay simula lamang ng isang pangmatagalang pamumuhunan sa karakter at kakayahan ng mga kabataan. Ang oryentasyon ay nagsilbing plataporma upang itanim ang kahalagahan ng disiplina, integridad, at malasakit sa pamamagitan ng values formation.

Sa loob ng dalawang buwan, nilibot ng programa ang labing-anim na barangay:

• Enero 17-18: Brgy. Laog, Sto. Cristo, San Roque, at Sta. Cruz.

• Enero 24-25: Brgy. Encanto at Pulong Yantok.

• Enero 31: Brgy. Paltok at Niugan.

• Pebrero 7-8: Brgy. Marungko, Sulucan, Donacion, at Taboc.

• Pebrero 14-15: Brgy. Banaban, Baybay, Binagbag, at Sta. Lucia.

Highlight ng mga aktibidad ang Leadership Training, kung saan hinasa ang galing ng mga iskolar sa pamumuno at aktibong pakikilahok sa komunidad. Sa pamamagitan ng pagbuo ng iba’t ibang project proposals, naipamalas ng mga kabataan ang kanilang talino sa paglikha ng mga programang magbibigay-pakinabang sa kanilang kapwa kabataan.