Pabatid sa Lot Owners at Apartment-Type Renters sa Angat Public Cemeteries

Naglabas ng mahalagang pabatid ang lokal na pamahalaan para sa lahat ng mga nagmamay-ari ng lote at mga nangungupahan ng apartment type na nitso sa dalawang pampublikong sementeryo ng bayan—ang Sta. Lucia Public Cemetery at Niugan Public Cemetery.

Hinihikayat ang lahat ng apektado na pumunta sa Tanggapan ng Pambayang Ingat-yaman (Municipal Treasurer's Office) upang isagawa ang pag-aayos at pagtatala ng kani-kanilang rekord.

Ang hakbang na ito ay mahalaga upang mas mapanatili ang kaayusan at updated ang talaan ng sementeryo.

Bukas ang Tanggapan ng Pambayang Ingat-yaman mula Lunes hanggang Biyernes, 8:00 AM hanggang 5:00 PM.

Hinihiling ang kooperasyon ng lahat ng lot owners at renters upang matapos ang proseso ng pag-aayos ng talaan.