MTO Angat, Nagpaalala sa Maagang Pagbabayad ng Amilyar

Upang mas lalo pang mapondohan ang mga proyekto at serbisyong pampubliko ng bayan, muling nagpaalala Municipal Treasurer's Office (MTO Angat) sa lahat ng mga may-ari ng ari-arian na bayaran ang kanilang Real Property Tax (RPT) o amilyar sa takdang panahon.

Ayon sa MTO Angat, ang maagang pagbabayad ng buwis ay hindi lamang pagtupad sa tungkulin bilang mamamayan, kundi isang malaking tulong upang masiguro ang tuloy-tuloy na pag-unlad ng mga imprastraktura, kalusugan, at edukasyon sa bayan.

Maaaring magtungo ang mga taxpayer sa Ground Floor ng New Angat Municipal Hall, mula Lunes hanggang Biyernes, alas-8:00 ng umaga hanggang alas-5:00 ng hapon upang magproseso at magbayad ng kanilang mga obligasyong pinansyal.