Ms. Annabelle Del Rosario, Nagdiwang ng Kaarawan Kasama ang mga Senior Citizen ng Niugan

Isang araw na puno ng saya, serbisyo, at pagpapahalaga ang inilaan para sa mga Senior Citizen ng Barangay Niugan sa ginanap na natatanging aktibidad sa Tagabukid Leisure Farm Resort.

Ang naturang kaganapan ay isinagawa bilang bahagi ng pagdiriwang ng kaarawan ni Ms. Annabelle Del Rosario, kung saan bukas-palad niyang ibinahagi ang kanyang biyaya sa mga nakatatandang residente ng barangay.

Tampok sa aktibidad ang paghahandog ng masarap na almusal, mga munting gift pack, at iba't ibang gawaing naghatid ng kagalakan at bonding sa mga dumalo.

Pormal na nagpaabot ng taos-pusong pasasalamat ang mga Senior Citizen ng Niugan at ang buong Sangguniang Barangay kay Ms. Del Rosario para sa kanyang kabutihang-loob at patuloy na pagmamahal sa sektor ng mga nakatatanda. Pinalakpakan din ng pamunuan ang kanyang halimbawa ng pagbabahagi ng biyaya at nanalangin para sa kanyang mabuting kalusugan at masaganang pamumuhay.