Kalinisan sa Sitio Bagong Silang, Higit pang Pinaigting sa Lingguhang Clean-Up Drive ng Brgy. Baybay

Bilang bahagi ng kanilang dedikasyon sa pagpapanatili ng isang maayos na komunidad, muling isinagawa ng Barangay Baybay ang kanilang Weekly Clean-Up Drive sa Sitio Bagong Silang ngayong ika-24 ng Enero, 2026.

Sa pangunguna ng Sangguniang Barangay at mga katuwang na volunteers, tinuon ang operasyon sa paglilinis ng mga pangunahing daanan at pag-aalis ng mga bara sa mga kanal upang masiguro ang maayos na daloy ng tubig. Ang aktibidad na ito ay bahagi ng tuloy-tuloy na programa ng barangay upang masiguro ang kalusugan ng mga mamamayan at maiwasan ang pagdami ng mga insekto na nagdadala ng sakit.

Ayon sa pamunuan ng barangay, ang regular na pagbisita at paglilinis sa bawat sitio ay mahalaga upang mapanatili ang disiplina sa tamang pagtatapon ng basura. Nagpasalamat ang mga opisyal sa mga residente ng Sitio Bagong Silang na nakiisa at nagpakita ng diwa ng bayanihan sa nasabing aktibidad.