Brgy. Sta. Cruz, Pinangunahan ang Serye ng Weekly Clean-Up Drive ngayong Enero

Bilang bahagi ng kanilang maigting na kampanya para sa kalusugan at sanitasyon, matagumpay na naisagawa ng Barangay Sta. Cruz ang kanilang lingguhang Weekly Clean-Up Drive ngayong January 10, 2026

Ang inisyatibong ito, sa ilalim ng pamumuno ng Sangguniang Barangay at pakikipagtulungan ng mga Barangay Tanod at lokal na volunteers, ay nakatuon sa paglilinis ng mga pangunahing daluyan ng tubig at pagpapanatili ng kaayusan sa mga pampublikong lugar. Layunin ng programa na puksain ang mga pinamumugaran ng lamok at iba pang insekto upang matiyak ang kaligtasan ng mga residente mula sa mga sakit.

Ayon sa pamunuan ng barangay, ang pagkakaisa ng mga mamamayan sa paglilinis ng kani-kanilang tapat-bahay ay susi sa tagumpay ng proyektong ito. Inaasahan na magpapatuloy ang ganitong aktibidad sa mga susunod na buwan upang mapanatili ang imahe ng Sta. Cruz bilang isang malinis at maaliwalas na komunidad sa bayan ng Angat.