Brgy. Banaban, Nagkaisa sa Lingguhang ‘Clean-up Drive’

Bilang bahagi ng patuloy na adbokasiya para sa isang malinis at luntiang komunidad, matagumpay na idinaos ang Weekly Clean-up Drive sa Barangay Banaban ngayong ika-7 ng Marso, 2026.

Sa pangunguna ng mga opisyales ng barangay at sa pakikipagtulungan ng mga residente, maagang sinimulan ang paglilinis sa mga pangunahing kalsada, baradong kanal, at mga pampublikong lugar sa nasabing barangay. Layunin ng gawaing ito na puksain ang mga pinamumugaran ng mga lamok at iba pang insekto na nagdadala ng sakit, lalo na ngayong nararamdaman na ang pagbabago ng panahon.