Bayanihan sa Sta. Cruz: Tuloy-tuloy na Pagkilos para sa Malinis na Pamayanan

Ipinamalas muli ng mga opisyal at residente ng Barangay Sta. Cruz ang diwa ng pagkakaisa sa isinagawang Weekly Clean-Up Drive ngayong Sabado, ika-24 ng Enero, 2026.

Ang nasabing aktibidad ay bahagi ng mas pinalakas na kampanya ng Sangguniang Barangay upang mapanatili ang kaayusan at sanitasyon sa bawat purok. Sa pangunguna ng mga Barangay Tanod at mga kawani, binigyang-tuon ang paglilinis ng mga pampublikong pasilidad at ang pag-aalis ng mga basura sa mga pangunahing daluyan ng tubig bilang paghahanda sa anumang banta ng sakit at baha.

Ayon sa pamunuan, ang consistency o ang regular na paglilinis tuwing huling bahagi ng linggo ay mahalaga upang maitanim ang disiplina sa bawat mamamayan. Nagpaabot ng pasasalamat ang barangay sa mga volunteers na patuloy na nag-aalay ng kanilang oras para masigurong ang Sta. Cruz ay nananatiling isa sa pinakamalinis na komunidad sa bayan ng Angat.