Barangay Sulucan, Nagsagawa ng Kalinisan Day sa Bagong Barangay Hall

Nagsagawa ng matagumpay na Kalinisan Day ang Sangguniang Barangay ng Sulucan sa paligid ng bagong tayong Barangay Hall upang panatilihin ang kaayusan at kalinisan sa kanilang nasasakupan.

Nakiisa ang mga opisyal at mamamayan ng barangay sa pagsasagawa ng pangkalahatang paglilinis at pag-aayos ng kapaligiran.

Nagpaabot ng taos-pusong pasasalamat ang pamunuan ng Barangay Sulucan sa lahat ng mga residenteng nakiisa at nag-abot ng tulong at kooperasyon upang masiguro ang tagumpay ng nasabing aktibidad.

Ayon sa barangay, ang patuloy na pagpapanatili ng kalinisan ay bahagi ng kanilang hangarin na magkaroon ng ligtas, maayos, at malusog na pamayanan para sa lahat ng mamamayan ng Sulucan.