Barangay Banaban, Nakiisa sa Lingguhang Clean-Up Drive para sa Mas Malinis na Komunidad

Sa layuning mapanatili ang kalinisan at kaayusan ng kapaligiran, matagumpay na idinaos ng mga opisyal at residente ng Barangay Banaban ang kanilang Weekly Clean-Up Drive ngayong araw, Disyembre 20, 2025.

Ang aktibidad na ito ay bahagi ng patuloy na programa ng barangay upang masiguro ang kaligtasan ng mga mamamayan laban sa mga sakit na dulot ng maruming paligid, gaya ng Dengue, at upang itaguyod ang wastong pamamahala ng basura sa bawat purok.